సిపిఐ (ఎం.ఎల్) రెడ్ స్టార్ కేంద్ర కమిటీ పిలుపు
నక్సల్బరీ తిరుగుబాటు నాయకుడు, సీపీఐ (ఎంఎల్) తొలి ప్రధాన కార్యదర్శి కామ్రేడ్ చారు మజుందార్ (సీఎం) జూలై 28న కలకత్తాలో పోలీసు లాకప్లో అమరుడయ్యారు. అప్పటి నుండి, జూలై 28ని భారతదేశంలోని కమ్యూనిస్ట్ విప్లవకారులు అఖిల భారత అమరవీరుల దినోత్సవంగా పాటిస్తున్నారు. నక్సల్బరీ తిరుగుబాటు సమయంలో మరియు భారతదేశం అంతటా అణచివేత, ప్రజల వ్యతిరేక పాలన వ్యవస్థకు వ్యతిరేకంగా సుదీర్ఘ పోరాటాలలో, పోలీసు అణచివేత మరియు జైలు శిక్షతో సహా వేలాది మంది రాజ్యం యొక్క తీవ్ర అణచివేతకు గురయ్యారు. రాజ్యాంగం యొక్క భీభత్సయమైన అణచివేతకు వ్యతిరేకంగా సాగిన ప్రతిఘటనలో, పెద్ద సంఖ్యలో కమ్యూనిస్ట్ విప్లవకారులు తమ ప్రాణాలను త్యాగం చేసారు. అందువల్ల, కామ్రేడ్ చారు మజుందార్( సీఎం) తో పాటు, జూలై 28న అఖిల భారత స్థాయిలో అమరవీరులైన కామ్రేడ్లందరినీ స్మరించుకుంటారు.
నిస్సందేహంగా, ‘ఆధునిక సరళీకరణవాదాని’కి వ్యతిరేకంగా నిరంతర సైద్ధాంతిక పోరాటం ఆధారంగా రైతు పోరాటాలను అభివృద్ధి చేయాలనే చారు మజుందార్( సీఎం )ఆలోచనకు అనుగుణంగానే 1967 మే నెలలో
చారిత్రాత్మక నక్సల్బరీ తిరుగుబాటు ప్రారంభమైంది. ఇందులో భూమిలేని మరియు పేద రైతులు రైతు సంఘాలుగా ఏర్పడి జోతేదార్ల నుండి బలవంతంగా భూమిని స్వాధీనం చేసుకోవడం ప్రారంభించారు. రాజ్య అణచివేతను తీవ్రంగా ప్రతిఘటించి ఈ క్రమంలో తమ ప్రాణాలను త్యాగం చేశారు. డార్జిలింగ్ జిల్లాలోని సిలిగురి సబ్డివిజన్లోని నక్సల్బరీ బ్లాక్లో 1967 మే 25న పోరాడుతున్న రైతులపై జరిగిన పోలీసు కాల్పులలో 9 మంది మహిళలు మరియు 1 బిడ్డతో సహా చాలా మంది అమరులయ్యారు. అప్పుడు పశ్చిమ బెంగాల్లో బెంగాల్ కాంగ్రెస్ సంకీర్ణ ప్రభుత్వంలో సీపీఐ(ఎం) మరియు ఎస్యూసీఐ రెండూ భాగస్వాములుగా ఉన్న పాలన ద్వారా సృష్టించబడిన భయానక సంఘటనలలో ఇది ఒకటి మాత్రమే. నక్సల్బరీ పోరాటం, క్రూరంగా అణచివేయబడినప్పటికీ, భారతదేశం అంతటా ఇలాంటి పోరాటాలను ప్రారంభించడానికి కమ్యూనిస్ట్ విప్లవకారులకు నక్సల్బరీ పోరాటం స్ఫూర్తినిచ్చింది. స్వల్ప వ్యవధిలోనే, విప్లవకారుల సంస్థాగత చొరవ వలన అఖిల భారత కమ్యూనిస్ట్ విప్లవకారుల సమన్వయ కమిటీ (ఏఐసీసీసీఆర్) ఏర్పాటుకు దారితీసింది, ఆ తర్వాత కలకత్తాలో జరిగిన భారీ బహిరంగ సభలో 1969 ఏప్రిల్ 22న ( మే ఒకటవ తేదీనకలకత్తాలో జరిగిన ఒక భారీ సమావేశంలో) కామ్రేడ్ కానూ సన్యాల్ సీపీఐ (ఎంఎల్) ఏర్పడినట్లుగా స్థాపనను ప్రకటించారు.
ఈ రోజు, జూలై 28న అఖిల భారత అమరవీరుల దినోత్సవాన్ని పాటిస్తున్న తరుణంలో, 2025లో శతాబ్ది ఉత్సవాలు జరుపుకుంటున్న ప్రపంచంలోనే అతిపెద్ద ఫాసిస్ట్ సంస్థ ఆర్ఎస్ఎస్, తన రాజకీయ సాధనం అయిన బీజేపీ ద్వారా, ముస్లింలు ద్వితీయ శ్రేణి పౌరులుగా మరియు దళితులు అమానవీయులుగా ఉండే ఏకీకృత, మెజారిటీ, మనువాద హిందూ రాష్ట్ర స్థాపన అనే అంతిమ లక్ష్యం వైపు విపరీతమైన వేగంతో దూసుకుపోతోంది. ఈ ఫాసిస్ట్ లక్ష్యంలో భాగంగా, ఇప్పటికే సాధించిన రాజ్యాంగ, చట్టపరమైన మరియు పరిపాలనా చర్యల వరుసకు మద్దతుగా, పోలీసులు మరియు పరిపాలన మద్దతుతో కాషాయ గూండాలు- అణచివేయబడిన మరియు బలహీన వర్గాల ప్రజలపై ఎటువంటి హద్దూ- అదుపు-అడ్డులేని అఘాయిత్యాలకు పాల్పడుతున్నారు. ఇందులో దారుణమైన హత్యలు కూడా ఉన్నాయి. దీనికి తోడు, అత్యంత అవినీతిపరులైన కార్పొరేట్ మిత్రులతో, బంధువులతో కలిసిపోయిన అతి మితవాద , మరియు కార్పొరేట్ అనుకూల మోడీ ప్రభుత్వం, లేబర్ కోడ్లు మరియు వ్యవసాయ చట్టాలు వంటి అనేక కార్మిక వ్యతిరేక మరియు రైతు వ్యతిరేక దారుణమైన చట్టాలను తీసుకు రావటాన్ని ప్రారంభించింది. ఇవి కేంద్ర స్థాయిలో నిలిపివేయబడినప్పటికీ, ఫాసిస్ట్ ‘డబుల్ ఇంజిన్’ రాష్ట్ర ప్రభుత్వాలు వాటిని విరివిగా అమలు చేస్తున్నాయి. ఆర్ఎస్ఎస్/బీజేపీ పాలన, ఒక ‘కార్పొరేట్ సులభతరం’ వలె
వ్యవహరిస్తూ, సామ్రాజ్యవాద పాలనలు మరియు నయా ఉదారవాద కేంద్రాల ఆదేశాల మేరకు పెట్టుబడిదారుల అనుకూల పన్ను మరియు పర్యావరణ విధానాలను మొత్తం తీసుకువచ్చింది. దీనికి సంబంధించిన విధాన నిర్ణయాలు పార్లమెంటును కేవలం ప్రేక్షక పాత్రలో ఉంచి కార్పొరేట్ బోర్డు రూమ్లలో తీసుకోబడుతున్నాయి. ఈ ప్రక్రియలో, అన్ని విభేదాలు మరియు విమర్శలు దేశ వ్యతిరేకమైనవిగా లక్ష్యంగా చేయబడుతున్నాయి. యూఏపీఏ మరియు ఇతర దారుణమైన చట్టాల క్రింద కేసులు కూడా నమోదు చేయబడుతున్నాయి. అదానీ మరియు అంబానీ వంటి కొద్దిమంది బిలియనీర్లతో సహా అత్యంత ధనవంతులైన ఒక శాతం మంది భారతదేశ సంపదలో 40 శాతానికి పైగా కలిగి ఉండగా, జనాభాలో దిగువ 50 శాతం మంది కేవలం 6 శాతం మాత్రమే కలిగి ఉన్నారు . ఈ విధంగా, ప్రపంచంలోనే అత్యంత అవినీతిమయమైన మరియు అసమాన దేశాలలో ఒకటైన భారతదేశం, ప్రపంచ దారిద్య్రానికి ఒక కోటగా మరియు నిరుద్యోగపు బంజరు భూమిగా మారింది.
ఈ భయంకరమైన పరిస్థితి ఆర్ఎస్ఎస్ ఫాసిజానికి వ్యతిరేకంగా రాజీలేని ప్రతిఘటనను కోరుతోంది. స్పష్టంగా, ఈ రోజు ఆర్ఎస్ఎస్ ఫాసిజానికి వ్యతిరేకంగా ప్రతిఘటన భారత ప్రజల సామ్రాజ్యవాదానికి మరియు పాలనా వ్యవస్థకు వ్యతిరేకంగా సాగే వ్యూహాత్మక మరియు సుదీర్ఘ పోరాటంతో విడదీయరాని విధంగా ముడిపడి ఉంది. అయితే, అందరికీ తెలిసినట్లుగా, వలసరాజ్యాల కాలంలో, ప్రజలు బ్రిటిష్ సామ్రాజ్యవాదానికి వ్యతిరేకంగా సంపూర్ణ దాడిని చేస్తున్నప్పుడు, ఆర్ఎస్ఎస్ తన ‘సాంస్కృతిక జాతీయవాదం’తో వలస వ్యతిరేక పోరాటం నుండి దూరంగా ఉంది. ముస్లింలను నెం.1 శత్రువుగా పేర్కొంది. మరియు యుద్ధానంతర అమెరికా నేతృత్వంలోని నయా వలసవాదం కింద, భారతీయ ఫాసిస్టుల అమెరికా అనుకూల(యాంకీ) ధోరణి మరింత స్పష్టంగా కనిపిస్తోంది.మోడీ భారతదేశ విదేశీ మరియు దేశీయ విధానాలపై ట్రంప్ యొక్క అహంకారపూరిత ప్రకటనలపై మౌనం వహించడమే దీనికి నిదర్శనం. అందువల్ల, వలసరాజ్య మరియు నయా వలసవాద దశలలో సామ్రాజ్యవాదంతో భారతీయ ఫాసిస్టుల చారిత్రక సంబంధాల నేపథ్యంలో, నేడు నయా-ఫాసిజానికి వ్యతిరేకంగా సాగే దీర్ఘకాలిక పోరాటం భారత ప్రజల సామ్రాజ్యవాద వ్యతిరేక పోరాటం నుండి విడదీయరానిది.
అయితే, కార్మిక వర్గం మరియు అణచివేయబడిన అందరి దృక్పథం నుండి, ఫాసిస్ట్ వ్యతిరేక మరియు సామ్రాజ్యవాద వ్యతిరేక
ప్రతిఘటనకు నాయకత్వం వహించాల్సిన విప్లవకర వామపక్షం, అంతర్జాతీయ మరియు దేశీయ స్థాయిలో ఎదురైన ఎదురుదెబ్బల కారణంగా ఈ పనిని భుజాన వేసుకోవడంలో సిద్ధాంతపరంగా, రాజకీయంగా మరియు సంస్థాగతంగా బలహీనంగా ఉంది. భారతదేశంలో విజృంభిస్తున్న, ఆర్ఎస్ఎస్ ఫాసిజంతో సహా 21వ శతాబ్దపు నయా-ఫాసిస్ట్ పరిస్థితి గురించి అనేక కమ్యూనిస్ట్ పార్టీల నుండి స్పష్టమైన అవగాహన లేకపోవడమే దీనికి నిదర్శనం. ఇది ఫాసిస్టులు మరియు ప్రతిచర్య పాలక వర్గాలను సంక్షోభం నుండి బయటపడటానికి మరియు కార్మిక వర్గాన్ని మరియు అణచివేయబడిన వారిని అనేక ప్రతిచర్య పోస్ట్మోడరన్ మరియు పోస్ట్-మార్క్సిస్ట్ సిద్ధాంతాల ద్వారా విభజించి, గందరగోళానికి గురిచేయడం ద్వారా వారి పతనాన్ని వాయిదా వేయడానికి వీలు కల్పించింది. తద్వారా తన వద్ద ఉన్న అన్ని మార్గాల ద్వారా ఒక చిన్న కార్పొరేట్ మరియు ఉన్నత కుల బ్రాహ్మణీయ ఉన్నత వర్గానికి సేవ చేస్తూ, ఆర్ఎస్ఎస్ మద్దతుగల నయా-ఫాసిస్ట్ పాలన, కమ్యూనిజం వ్యతిరేక మరియు ఇస్లామోఫోబియా సిద్ధాంతాలను ఉపయోగించి విపరీతమైన ద్వేషాన్ని మరియు సామాజిక నిర్మాణాన్ని విభజించి, మైనారిటీలు, దళితులు, గిరిజనులు మరియు మహిళలపై క్రమం తప్పకుండా సామూహిక హత్యలు మరియు అఘాయిత్యాలను జరపడం ద్వారా సంపద కేంద్రీకరణ మరియు అసమానత, పేదరికం మరియు వంచన, నిరుద్యోగం, ధరల పెరుగుదల మరియు అవినీతి యొక్క భయంకరమైన స్థాయిల నుండి ప్రజల దృష్టిని మళ్లిస్తోంది.
ఈ భయంకరమైన ఫాసిస్ట్ పరిస్థితిలోనే భారత కమ్యూనిస్ట్ విప్లవకారులు కామ్రేడ్ చారు మజుందార్ (సీఎం )అమరుల దీక్షా దినంగా పాటిస్తున్నారు.కామ్రేడ్ తరిమెల నాగిరెడ్డి మరణ వార్షికోత్సవం కూడా జూలై 28న వస్తుంది. కాబట్టి, ఇతర మరణించిన విప్లవ నాయకులను కూడా స్మరించుకుంటున్నారు. 1964 చీలిక తర్వాత సీపీఐ (ఎం) కూడా సవరణవాద మార్గాన్ని అనుసరించడం ప్రారంభించి, పాలక వర్గ స్థానాలకు దిగజారి, నయా ఉదారవాదాన్ని ఆలింగనం చేసుకుని, నయా-ఫాసిజానికి కూడా క్షమాపణలు చెప్పిన తరుణంలో, భారతదేశంలో కమ్యూనిస్టుల కర్తవ్యం చారు మజుందార్, కానూ సన్యాల్, తరి నెల నాగిరెడ్డి, కొల్లా వెంకయ్య , చండ్ర పుల్లారెడ్డి దేవులపల్లి వెంకటేశ్వరరావు మరియు ఇతర అమరవీరుల విప్లవ సంప్రదాయాలను నిలబెట్టటానికి, వీరు భారత కమ్యూనిస్టుల ఎజెండాలోకి విప్లవాన్ని తిరిగి తీసుకురావడానికి, విప్లవ కమ్యూనిస్టుల ఐక్యత కొరకు చొరవ తీసుకున్నారు.
అయితే, చారు మజుందార్ (సీఎం) యొక్క ప్రసిద్ధ ఎనిమిది డాక్యుమెంట్లు సీపీఐ(ఎం)కి వ్యతిరేకంగా రాజీలేని సైద్ధాంతిక పోరాటంలో ప్రధాన పాత్ర పోషించినప్పటికీ, వాటిలోని వ్యవసాయ విప్లవం గురించిన భావన భారతదేశం ఇంకా విప్లవానికి పూర్వం చైనా వలె అర్థ వలస ,అర్ధ భూస్వామ్య దేశం అనే ఊహపై ఆధారపడి ఉన్నాయి. తదనుగుణంగా, 1930లు మరియు 1940లలో మావో జెడాంగ్ నాయకత్వంలో చైనాలో అనుసరించిన ” దీర్ఘకాల ప్రజా యుద్ధపంథా” మార్గం భారతదేశ విముక్తికి వ్యూహాత్మక మార్గంగా ముందుకు వచ్చింది. కార్మిక వర్గాన్ని మరియు అణచివేయబడిన ప్రజలను ఉద్యమాలు మరియు పోరాటాలలో సమీకరించడంపై దృష్టి పెట్టకుండా, మరియు యుద్ధానంతర నయా వలసవాద భారతీయ పరిస్థితిని స్పష్టంగా విశ్లేషించకుండా, మావో యొక్క 1938 ప్రకటన “రాజకీయ అధికారం తుపాకీ గొట్టం నుండి ఉద్భవిస్తుంది” తో సహా ఈ చైనీస్ మార్గాన్ని యాంత్రికంగా కాపీ చేయడం 70ల నుండి వామపక్ష సాహసవాదానికి , వ్యక్తిగత హింస వాదానికి మరియు పార్టీ విచ్ఛిన్నానికి దారితీసింది. అంతేకాకుండా, కామ్రేడ్ తరిమెల నాగిరెడ్డి యొక్క మార్గదర్శక పని, ‘ తాకట్టులో భారతదేశం’, ఇది యుద్ధానంతర అమెరికా నేతృత్వంలోని సామ్రాజ్యవాదం మరియు ఇతర సామ్రాజ్యవాద శక్తుల నయా వలసవాద వ్యాప్తిని మరియు భారతదేశంలో తత్ఫలిత మార్పులను విప్పింది; వివరంగా తెలియజేసింది. దానికి అనుగుణంగా కమ్యూనిస్టుల విప్లవకర మార్గాన్ని అభివృద్ధి చేయడానికి తక్కువ ప్రయత్నం జరిగింది.
ఈ రోజు, జూలై 28న అఖిల భారత అమరవీరుల దినోత్సవాన్ని పాటిస్తున్న తరుణంలో, ఇప్పటికే పేర్కొన్నట్లుగా, ప్రపంచ స్థాయిలో తీవ్ర మితవాద నయా-ఫాసిజం పెరుగదల నేపథ్యంలో, భారతదేశం ఆర్ఎస్ఎస్ ఫాసిజం యొక్క గట్టి పట్టులో ఉంది. భారతదేశంలో రాజ్య అధికారం మరియు వీధి అధికారం రెండింటిపై మరియు ఆర్థిక, రాజకీయ, సాంస్కృతిక మరియు విద్యా రంగంలోని ప్రతి రంగంలో సామ్రాజ్యవాద అనుకూల ఆర్ఎస్ఎస్ పట్టుతో, ప్రగతిశీల-ప్రజాస్వామ్య శక్తుల సామ్రాజ్యవాద వ్యతిరేక మరియు ఫాసిస్ట్ వ్యతిరేక పనులు ఈ రోజు అంతర్లీనంగా ముడిపడి ఉన్నాయి. ఈ క్లిష్ట సమయంలో, కమ్యూనిస్ట్ విప్లవకారుల విప్లవకర పనులు, నిర్దిష్ట భారతీయ పరిస్థితికి అనుగుణంగా మరియు అభివృద్ధి చెందుతున్న అంతర్జాతీయ సందర్భం యొక్క విస్తృత దృక్పథం నుండి సైద్ధాంతిక అవగాహన మరియు ఆచరణాత్మక విధానం రెండింటినీ అభివృద్ధి చేయడం. ఈవిస్తృతమైన సందర్భంలో అవగాహన మరింత కష్టమైనది మరియు ముఖ్యమైనది అవుతుంది. నిస్సందేహంగా, ఈ సైద్ధాంతిక-రాజకీయ-సంస్థాగత పనిని అన్ని అభిప్రాయాలు కలిగిన ప్రగతిశీల మరియు ప్రజాస్వామ్య శక్తులతో సముచితంగా కలసి చేపట్టాలి.
ఈ సందర్భంగా, సీపీఐ (ఎంఎల్) రెడ్ స్టార్ కేంద్ర కమిటీ అమరవీరులైన కామ్రేడ్లందరికీ విప్లవ నివాళులు అర్పిస్తూ, జూలై 28ని అఖిల భారత అమరవీరుల దినోత్సవంగా పాటించడానికి చొరవ తీసుకోవాలని అన్ని స్థాయిలలోని అన్ని పార్టీ కమిటీలకు విజ్ఞప్తి చేస్తుంది.
అమరవీరులకు లాల్ సలాం!
ఆర్ఎస్ఎస్ ఫాసిజాన్ని ప్రతిఘటించండి!, ఓడించండి!
సామ్రాజ్యవాదం నశించాలి!
ప్రజాస్వామ్యం మరియు సోషలిజం కోసం కృషి చేయండి!
——————————————————- –
*పి.జె. జేమ్స్
ప్రధాన కార్యదర్శి
సీపీఐ (ఎంఎల్) రెడ్ స్టార్
న్యూఢిల్లీ
25 జూలై 2025*
—————————————————————-
* తెలుగు సేచ్ఛానుసరణ: మన్నవ హరిప్రసాద్, పొలిట్ బ్యూరో సభ్యుడు, సిపిఐ( ఎం.ఎల్ )రెడ్ స్టార్.
8247728296
mannavahariprasad@gmail.com*
———-‐—————‐————————————-
